ბლოგი
ლევან სეფისკვერაძე

15:27 | 03 აპრილი, 2022

ყატარში მაგარი თამაშები გველოდება

ყატარში გასამართი მსოფლიოს საფეხბურთო ჩემპიონატის კენჭისყრამ ასე მოსაწყენად და ნაკლები აჟიოტაჟის ქვეშ ალბათ პირველად ჩაიარა. ცხადია, ამ კენჭისყრასაც ყავდა შედეგებით კმაყოფილი და უკმაყოფილო მონაწილეები, მაგრამ მთელი მსოფლიოს ყურადღება მაინც რუსეთის მიერ უკრაინაში დატრიალებულ უბედურებაზე იყო მიმართული და ერთგვარად ცოტა უხერხულიც კი იყო ზედმეტი წიოკი და ხელების ქნევა.

ლევან სეფისკვერაძე

20:11 | 18 მარტი, 2022

რუსული ჯადო

როგორც ლევ ტოლსტოი ამბობს: “რუსეთი საშინელი და მომაჯადოვებელი ქვეყანაა“. ამ ქვეყნის მართლაც რომ საშინელ და საზარელ წარსულსა და აწმყოს თვალნათლივ ვხედავთ და როგორც ჩანს, რუსეთს მართლა რაღაც ჯადო აქვს, რომელიც კაცს აბეჩავებს, ტვინს აცლის და ისეთივე ზომბებად აქცევს, როგორიც ყველა ის ადამიანია, ვინც ვლადიმერ პუტინს ერთხელ მაინც მისცა ხმა რუსეთის საპრეზიდენტო თუ საპარლამენტო არჩევნებზე.

ლევან სეფისკვერაძე

17:17 | 26 თებერვალი, 2022

დიდება უკრაინას!

ჩვენს მეგობარ უკრაინაში ომია. ნამდვილი, დაუნდობელი ომი, რომელიც გასცემს პასუხს კითხვაზე, მომდევნო ათწლეულები როგორ იცხოვრებს ევროპა და საბოლოოდ მოხერხდება თუ არა რუსეთის შეჩერება, რომელიც სპობს ყველაფერ ნათელს და ნამდვილს, სწორსა და თავისუფალს.

ლევან სეფისკვერაძე

11:40 | 13 თებერვალი, 2022

ბედნიერება - მორიგი ოლიმპიადა ურუსეთოდ!

ქართველებისთვის ზამთრის ოლიმპიადა თავისი მნიშვნელობით ზაფხულის ოლიმპიადაზე ლამის ათჯერ დაბლა დგას, მაგრამ თუკი ქართველს (და არა მხოლოდ ქართველს) ჩინეთის დედაქალაქ პეკინში მიმდინარე ზამთრის ოლიმპიადა სიამოვნებას ანიჭებს ეს იმის გააზრება და შესაბამისად განცდაა, რომ რუსეთი ამ უდიდეს სპორტულ ფორუმზე კიდევ ვერ იღებს მონაწილეობას და შესაბამისად, წინ სულ ოქროს მედლებიც რომ დაიხვავონ, რუსეთის ჰიმნს ერთხელაც კი არ მოვისმენთ. მაშ ეს ბედნიერება არაა?!

ლევან სეფისკვერაძე

13:47 | 05 თებერვალი, 2022

საქართველოს ჩემპიონატის თავსატეხი

სხვადასხვა ქვეყნის უმაღლეს საფეხბურთო ლიგებში მოთამაშე კლუბების რაოდენობის განსაზღვრის კრიტერიუმები ერთმანეთისაგან მეტად განსხვავებულია და ეს განსხვავებულობა ხშირ შემთხვევაში კამათსა და აზრთა სხვადასხვაობას იწვევს.

ლევან სეფისკვერაძე

11:09 | 30 იანვარი, 2022

აფრიკის თასი მაგარი ტურნირია!

აფრიკის თასი ჩემი ერთ-ერთი საყვარელი სანაკრებო ტურნირია და ყოველ ორ წელიწადში ერთხელ თბილისურ სუსხიან ზამთრებს ისე არაფერი აფერადოვნებს, როგორც არცთუ მაღალხარისხოვან და არცთუ ხასხასა მინდვრებზე მობურთალი შავტუხა ბიჭების ცქერა. კორონა-პანდემიის გამო აფრიკის თასის ჩატარების ადგილმა და თარიღმაც იარა, იარა და საბოლოოდ მაინც კამერუნამდე მივიდა. იმ კამერუნამდე, რომლის ფეხბურთის ფედერაციის პრეზიდენტი ჯერ კიდევ 2020 წლის შემოდგომაზე იძახდა, სასწაული მოხდება ამ ტურნირის მასპინძლობა რომ შევძლოთო. საბოლოოდ “შავი კონტინენტის“ უმთავრესი საფეხბურთო გათამაშება მაინც დაიწყო და მე თუ მკითხავთ, ძალიან საინტერესოდაც მიდის.

ლევან სეფისკვერაძე

14:05 | 23 იანვარი, 2022

ბალოტელი - უკანასკნელი გიჟმაჟი

მარიო ბალოტელი დიდი და ლეგენდად ქცეული ფეხბურთელი არასოდეს ყოფილა, მაგრამ გამორჩეული ვინმე მუდამ იყო და მისი საფეხბურთო კარიერა ერთთავად მედიის ყურადღების ქვეშ ექცევა. იტალიის საფეხბურთო ნაკრებში დღეს ამ შავტუხა კაცზე ბევრად კარგი შემტევები თამაშობენ და 31 წლის მარიოს სავარაუდოდ იქ აღარავინ მიიწვევს, თუმცა ბალოტელი კარიერის მიწურულს მაინც ახერხებს “გაბრძოლებას“ და შესაძლოა, ფეხბურთიდან მაჟორულ ნოტაზე წავიდეს.

ლევან სეფისკვერაძე

19:14 | 15 იანვარი, 2022

მესის “გამოტირებულები“

არ მესმის იმ ხალხის, კატალონიიდან ლეო მესის აბარგების შემდეგ “ბარსელონას“ რომ აღარ ქომაგობს და ამბობს, რომ მათთვის ამ კლუბისადმი ინტერესს მხოლოდ და მხოლოდ არგენტინელი სუპერვარსკვლავი განაპირობებდა. გუნდის ქომაგობა ცხადია ყველა ადამიანის პირადი არჩევანის ნაწილია და არავის აქვს უფლება ამ არჩევანში ხელ-ფეხი აფათუროს. თუმცა, საგულშემატკივრო ტრადიციებიც თავის დაუწერელ მოთხოვნებს აყენებს და ერთი ფეხბურთელის (როგორი მაგარიც არ უნდა იყოს ის) გამო კლუბის ქომაგობა ან მისი დავიწყება ნამდვილად არ ტოვებს სერიოზულ და დადებით შთაბეჭდილებას.

ლევან სეფისკვერაძე

12:09 | 09 იანვარი, 2022

დიდი ვიქტორ სანეევი წავიდა!

ქართული სპორტის მოყვარულებს გასული კვირის პოსტსაახალწლო საზეიმო განწყობა დიდი გულისტკივილით შეეცვალათ. 2022 წლის 3 იანვარს, ავსტრალიის ქალაქ სიდნეიში 76 წლის ასაკში გარდაიცვალა ლეგენდარული ადამიანი, ყველაზე ტიტულოვანი ქართველი მძლეოსანი და საუკუნის სპორტსმენი, ვიქტორ სანეევი.

ლევან სეფისკვერაძე

13:14 | 01 იანვარი, 2022

საახალწლო სუფრა და ფეხბურთი

სამწუხაროდ ქართული სუფრის (განსაკუთრებით კი საახალწლო სუფრის) შესახებ მსოფლიოში ძალიან ცოტა ადამიანმა იცის, თორემ დარწმუნებული ვარ ბევრ ქვეყანაში აღიარებდნენ საცივსაც, შემწვარ გოჭსაც, გოზინაყსაც, ჩურჩხელასაც და არც ქართულ ღვინოზე იტყოდნენ უარს. უცხოელებს ერთადერთი შეიძლება მთვრალი და დილის 5 საათამდე ტვინის მბურღველი მეზობლის მოსმენის ტრადიცია არ მოწონებოდათ, მაგრამ მესამე ჭიქა კარგი საფერავის მერე ტვინის მბურღველ მეზობელსაც აიტანს კაცი და შეიძლება ცოტა ხნით ისიც კი დაივიწყო, როგორ რთულ დროში გვიწვეს ცხოვრება და რამდენი პრობლემა აწუხებს ჩვენს ქვეყანას.

ლევან სეფისკვერაძე

11:46 | 25 დეკემბერი, 2021

შეზღუდვა, რომელიც ყველას დააზარალებს

რაიმეზე დამოკიდებულება ზოგადად ძალიან ცუდია. წიგნის კითხვაზე დამოკიდებულებაც კი არაა მთლად კარგი, რადგან ცუდად განათებულ ადგილას, ყველა პოზაში და ყველგან წიგნის კითხვამ შეიძლება მხედველობა დაგვიქვეითოს. არც კომპიუტერზე დამოკიდებულებაა კარგი, არც ბევრი ჭამა, არც ბევრი სმა და ბევრი ვარჯიშიც კი შეიძლება დამაზიანებელი აღმოჩნდეს ადამიანის ორგანიზმისთვის. რა თქმა უნდა არც ლუდომანია და თამაშდამოკიდებულებაა კარგი, მაგრამ კაცობრიობა დიდი ხანია მიხვდა იმას, რომ ადამიანის ბუნება ასეთია. ზოგს ღვინის სმა უყვარს, ზოგს წიგნის კითხვა, ზოგს ვარჯიში და ზოგს აზარტული თამაშები. რაც არ უნდა მორალისტურად განვიხილოთ ეს საკითხი, მაინც იმ დასკვნამდე მივალთ, რომ საქართველოს ხელისუფლების გადაწყვეტილება ონლაინ-კაზინოების შეზღუდვასთან დაკავშირებით, საბოლოოდ ვერც შედეგს გამოიღებს (საკითხავია ან რა შედეგს ელოდნენ?) და თამაშის მოყვარული ტიპებიც აუცილებლად ნახავენ სხვა გზას, რომელიც არც ისე რთულად სანახავია.

<< წინა12345678910შემდეგი >>
0.301701