გიორგი ჩაკვეტაძისთვის შესაძლოა, სეზონი, რომელიც ახლახან დაიწყო, დასრულდა... როგორც Walfoot-ი Nieuwsblad-ზე დარყდნობით წერს, „გენტის“ სამედიცინო შტაბში შიშობენ, რომ გიორგის აქილევსის მყესი აქვს გაწყვეტილი, რის გამოც მოედანზე მიმდინარე სეზონში ვეღარ გავა.

თუ ეს ცნობა დადასტურდა, 21 წლის ქართველი ფეხბურთელისთვის დიდი დარტყმა იქნება, რადგან ჩაკვეტაძეს მუხლის ტრავმის გამო პრაქტიკულად წელიწადნახევარი გაუცდა და ფეხბურთს ნორმალურად ახლახან უბრუნდებოდა.

გიორგიმ ტრავმა ვენის „რაპიდთან“ მატჩში მიიღო, როდესაც ბრწყინვალე დრიბლინგით პენალტი მოიპოვა, მაგრამ მომენტი მისთვის ძალიან ცუდად დასრულდა. სრული სურათი სამედიცინო გამოკვლევის პასუხების შემდეგ გახდება ცნობილი.

• ჩაკვეტაძემ პენალტი მოიპოვა და ტრავმა მიიღო, "გენტი" ჩემპიონთა ლიგის პლეი-ოფშია (+VIDEO)
• "გენტის" მწვრთნელმა გიორგი ჩაკვეტაძის ტრავმაზე კომენტარი გააკეთა
• ბელგიური მედია: "ჩაკვეტაძემ დაამტკიცა, რომ შუშის კაცია"

დასანანია, ჩაკვეტაძე ნელ-ნელა ცდილობდა ფორმაში შესვლას და ამის ნიშნებიც იყო, მაგრამ როგორც ჩანს, უიღბლობას თავი ვერ დააღწია...