იტალიური “ნაპოლის” მთავარი მწვრთნელი კარლო ანჩელოტი იქნება. აღნიშნული ინფორმაცია მხარეებს ოფიციალურად ჯერჯერობით არ დაუდასტურებიათ, მაგრამ მთელი რიგი იტალიური გამოცემები (Sky Sport, Gazzetta Dello Sport, Corriere Dello Sport, Tuttosport) დარწმუნებით იტყობინებიან, რომ კონტრაქტი უკვე გაფორმდა.
ჩვენ გუშინაც გამცნეთ ანჩელოტი “ნაპოლის” პრეზიდენტ აურელიო დე ლაურენტისს რომ შეხვდა, დღეს დილით კი, სამწლიან კონტრაქტს მოაწერა ხელი. ხელშეკრულების თანახმად, 58 წლის “პაპა კარლო” სეზონში 6.5 მილიონ ევროს მიიღებს, ხოლო სამწვრთნელო შტაბში იმუშავეს ანჩელოტის შვილი დავიდე. გარდა ამისა, აპენინური მედიის ცნობით, ანჩელოტის ასისტენტის პოსტზე ანდრეა პირლოს მიწვევა სურს. რაც შეეხება სატრანსფერო სიახლეებს – იტალიელის მთავარი სამიზნე მიუნხენის “ბაიერნის” ნახევარმცველი არტურო ვიდალი იქნება.
რაც შეეხება ინფორმაციის ოფიციალურად დადასტურებს - ეს, მას შემდეგ მოხდება, რაც “ნაპოლი” მაურიციო სარის გათავისუფლების ცნობას გაასაჯაროვებს.
შეგახსენებთ, კარლო ანჩელოტის იტალიაში 2008-2009 წლების სეზონის შემდეგ არ უმუშავია. ბოლოს სამშობლოში “მილანს”, ხოლო იქამდე “იუვენტუსსა” და “პარმას” ავარჯიშებდა. იტალიის გარეთ კი წარმატებით იმუშავა “ჩელსიში”, პსჟ-ში, “რეალსა” და “ბაიერნში”.
