11:46 | 08 მარტი, 2012

ორი დღის წინ, ბაქოში ვიზიტის დროს, საქართველოს პრეზიდენტმა მიხეილ სააკაშვილმა ერთ-ერთ ოფიციალურ შეხვედრაზე პირველად განაცხადა, რომ აზერბაიჯანში გამართული მოლაპარაკებების ერთ-ერთი თემა ევროპის 2020 წლის საფეხბურთო ჩემპიონატის მასპინძლობის საკითხი იყო. როგორც გაირკვა, მიხეილ სააკაშვილსა და ილჰამ ალიევს ამ საკითხზე გადაწყვეტილებაც კი მიუღიათ და ევროპის ჩემპიონატის მასპინძლობის სურვილით საქართველო და აზერბაიჯანი უეფას ოფიციალურად მიმართავენ. 

10:15 | 05 მარტი, 2012

ედუ ჟორჟე ერთ-ერთი იმ ბედნიერ ბრაზილიელ მუშათაგანი იყო, რომელსაც განგებამ ”მარაკანას“ რეკონსტრუქციაზე მუშაობის უდიდესი სიხარული აღირსა. ორ წელიწადში ჟორჟეს ქვეყანაში მსოფლიოს ჩემპიონატი იმართება და მთელ ბრაზილიაში მოძველებული და ჩამოქცევის პირას მისული სტადიონების აღდგენა დაიწყეს.

11:21 | 01 მარტი, 2012

ლადო დვალიშვილს პირადად არ ვიცნობ, მაგრამ გამიგია, რომ პიროვნულად კარგი კაცია. ისიც ვიცი, რომ ლადოს თავის ქვეყანა სხვაზე ნაკლებად ნამდვილად არ უყვარს. მაგრამ რა ვუყოთ იმ ფაქტს, რომ ლადო დვალიშვილი, უპირველეს ყოვლისა, საქართველოს საფეხბურთო ნაკრების ფორვარდია და ორ წელზე მეტია, ჩვენი ნაკრების მაისურით გოლის გატანას ვერ ახერხებს. 

11:20 | 26 თებერვალი, 2012

მიუხედავად იმისა, რომ საბჭოთა კავშირი 20 წელზე მეტია, რაც წარსულს ჩაბარდა, საქართველოში დღემდე ბევრი ადამიანს ნახავთ, რომლებიც ”იმ კარგ დროს” მისტირიან. ასეთ ადამიანებს შორის, სამწუხაროდ, ფეხბურთის გულშემატკივარიც ბევრია. საბჭოური ნოსტალგიები ზოგიერთ ჩვენს თანამემამულეს ხშირად მაშინ შემოუტევთ ხოლმე, როდესაც ჩვენი ნაკრები, ან კლუბები ევროასპარეზზე მორიგ თავისმომჭრელ მარცხს იწვნევენ ხოლმე. ამის შემდეგ იწყება პარალელების გავლება ძველ ”დინამოსთან”, ”ტორპედოსთან”, ”გურიასთან” და საბოლოოდ ასკვნიან, რომ ”ისევ ის დრო სჯობდა” და ”მაშინ ფეხბურთი ფასობდა”.

15:23 | 23 თებერვალი, 2012

ახლა, როდესაც “რეალსა“ და “ბარსელონას“ შორის ესპანეთის ჩემპიონატის სატურნირო ცხრილში ათქულიანი ბარიერია, თითქოს “მატრიცაში“ რაღაც შეიცვალაო, ის ხალხი, რომლებიც ჟოზე მოურინიოს მისამართით ირონიას არ იშურებდნენ, უცებ საეჭვოდ დასერიოზულდნენ და ჰოი, საოცრებავ! ზოგიერთმა ჟოზესადმი დითირამბების მიძღვნაც კი დაიწყო. ვინ არიან ის ადამიანები, რომლებმაც მოურინიოს ნიჭი ახლაღა “აღმოაჩინეს?“.

11:37 | 20 თებერვალი, 2012

ანტონიო კონტე ჯერ კიდევ ფეხბურთელობისას იყო დაუდეგარი და ინტერესიანი კაცი. მარჩელო ლიპის თქმით, როდესაც ის “ზებრების“ მწვრთნელი იყო, სხვა ფეხბურთელებისგან განსხვავებით, ანტონიო მუდმივად კუდში დასდევდა და ათასგვარი კითხვით აბრუებდა: “სენიორ მარჩელო, ეს ტაქტიკა რატომ აირჩიეთ?“, “ორი გამთამაშებელი რად გინდათ?“, “დელ-პიეროს სათადარიგოთა სკამზე რატომ სვამთ?“, “ეს რა ვარჯიშია?“ – მოკლედ, დაჰყვებოდა კონტე ლიპის და უბურღავდა ტვინს.

12:04 | 16 თებერვალი, 2012

ალბათ ყველას გვაქვს სახლში ძველი და მეტად უცნაური წიგნი სახელწოდებით: “ეფრემ ვერდი”. ამ წიგნში ხალხური მედიცინიდან და ყვავ-ყორნის ქონით მკურნალობიდან დაწყებული და სიზმრების ახსნით დამთავრებული – რაღას აღარ ნახავს კაცი. ”ეფრემ-ვერდიში” განსაკუთრებულად სიზმრების ახსნის ორიგინალური სტილია გამოსარჩევი. 

12:25 | 12 თებერვალი, 2012

თქვენი არ ვიცი და მე ძალიან მეცოდება ბებერი, გულდათუთქული პიპო ინძაგი, რომელსაც ჯერ ისევ აქვს იმედი, რომ კიდევ შეძლებს დიდი ფეხბურთის თამაშს. სადაც კი ჟურნალისტს მოიხელთებს, სულ წუწუნებს, თამაში მინდა, მაგრამ არ მათამაშებენო, მუხლი მერჩის მაგრამ ჩემი არ სჯერათო, არც ისეთი ბებერი ვარ თქვენ რომ გგონიათო, მაგრამ მასიმილიანო ალეგრი ლომბარდიის ციხესიმაგრესავით შეუვალია და ინძაგის არაფერს ჰპირდება.

20:01 | 06 თებერვალი, 2012

”აი, ამიტომ არ მიყვარს ფეხბურთი. მთლინად გიჟები და არანორმალურები არიან ფეხბურთელებიცა და გულშემატკივრებიც”, – ეს სიტყვები ერთ-ერთი ნაცნობისაგან მას შემდეგ მოვისმინე, რაც ეგვიპტეში, ქალაქ პორტ საიდის სტადიონზე მომხდარი ტრაგედიის შესახებ გახდა ცნობილი. სიტყვა ”ტრაგედია” მთლად ბოლომდე ნამდვილად ვერ ასახავს იმ საშინელებას, რაც ამ არცთუ დიდ ქალაქში დატრიალდა და ფეხბურთის მოძულე იმ ჩემს ნაცნობს სწორედ ამიტომაც ვერაფერი ვუთხარი. ანდა რა უნდა მეთქვა, როდესაც მსოფლიოში დღემდე არსებობენ ადამიანები, რომლებიც ფეხბურთს, ამ გენიალურ გამოგონებას ყოველ ნაბიჯზე ფეხქვეშ თელავენ და არა მხოლოდ სახელს უტეხენ, არამედ ეჭვქვეშ აყენებენ იმ ერთი შეხედვით თვალნათელ ფაქტს, რომ ფეხბურთი მშვიდობისა და კაცთმოყვარეობის მსახურია და არა ზიზღისა და სისხლისღვრის პირველწყარო.

11:45 | 02 თებერვალი, 2012

ბოლო თვეების განმავლობაში დიდი ამბები ხდება თურქულ ფეხბურთში. თურქეთის ხელისუფლებამ მიიღო გადაწყვეტილება თურქულ ფეხბურთში არსებული მანკიერებების აღმოფხვრასთან დაკავშირებით და ეს გადაწყვეტილება, შესაძლებელია, განსაკუთრებით ძვირად თურქული ფეხბურთის სამ გიგანტს – ”ტრაბზონსფორს”, ”ბეშიქთაშსა” და “ფენერბახჩეს” დაუჯდეს.

16:06 | 29 იანვარი, 2012

2000 წელს, თბილისელი მკითხავი, ქსენია ბებო რომ გარდაიცვალა, ანდერძის თანახმად, საბურთალოზე, ქსენიას სამოთახიანი ბინა მის უმცროს შვილიშვილს, სერგოს, მეტსახელად ”ფსონოს” დარჩა. სერგოს ამ მეტსახელის წარმოშობას სულ ადვილად მიხვდებით, როდესაც გეტყვით, რომ ქსენია ბებოს პირველ სართულზე მდებარე ბინაში ”ფსონომ” ერთ თვეში ტოტალიზატორი გახსნა და ერთ-ერთი ცნობილი ბრაზილიელი ფეხბურთელის სახელი უწოდა.