ერთწლიანი პაუზის შემდეგ „ლესტერ სიტი“ პრემიერლიგაში დაბრუნდა. ენცო მარესკას გუნდმა საგზური ჩემპიონშიფის დასრულებამდე ორი ტურით ადრე გაინაღდა.

„მელიების“ აღზევება მას შემდეგ გაოფიციალურდა, რადგან ბოლოსწინა ტურის სასტარტო მატჩში „ლიდს იუნაიტედი“ სტუმრად ქპრ-სთან 0:4 განადგურდა, შესაბამისად, იორკშირელები „ლესტერს“ ვეღარ დაეწევიან.

მარესკას გუნდს 94 ქულა აქვს და მომდევნო სეზონს პრემიერლიგაში გაატარებს. ამასთან ახლოსაა „იფსვიჩ თაუნიც“, რომელიც „ლიდსს“ ქულით ჩამორჩება, მაგრამ ორი თამაშით ნაკლებიც აქვს ჩატარებული. ასე რომ, 22-წლიანი პაუზის მერე პრემიერლიგას „იფსვიჩი“ დიდი ალბათობით დაუბრუნდება.

მესამე საგზური პლეი-ოფში გათამაშდება, სადაც რამდენიმე გუნდი იბრძოლებს „ლიდსი“ ან „იფსვიჩი“, ასევე „საუთჰემპტონი“, „ვესტ ბრომვიჩი“, „ნორვიჩი“ ან „ჰალი“.