იტალიის ნაკრების ყოფილმა მთავარმა მწვრთნელმა ჯამპიერო ვენტურამ ხვიჩა კვარაცხელიაზე ისაუბრა. როგორც მან თქვა, გუნდსა და რუდი გარსიას შორის დიალოგი, რაზეც კვარამ ისაუბრა, გადამწყვეტი აღმოჩნდა.
„კვარას ვუსმინე „უდინეზესთან“ მატჩის შემდეგ, რომელიც საუბრობდა გუნდსა და მწვრთნელს შორის შეხვედრაზე. ვფიქრობ, გარსიასთან ეს საუბარი გადამწყვეტი იყო, მწვრთნელი მიხვდება, რომ რაც გასულ წელს ამ გუნდმა გააკეთა, ის არ უნდა დაიკარგოს“, - თქვა ვენტურამ.
შეგახსენებთ, რომ „ნაპოლი“ 30 სექტემბერს, სტუმრად „ლეჩეს“ დაუპირისპირდება.
