NBA-ს მეოთხედფინალურ სერიაში „ფილადელფიამ“ საკუთარ მოედანზე „ბოსტონი“ დაამარცხა და სერიაში წონასწორობა აღადგინა.

შეხვედრა ძალიან დრამატული და დაძაბული გამოდგა, გამარჯვებული კი ოვერ-ტაიმში გამოვლინდა. საბოლოოდ, „სიქსერსმა“ მეტოქეს 116:115 აჯობა და კიდევ უფრო წინ გაჭრის საშუალება არ მისცა.

„ფილას“ ჯეიმს ჰარდენმა ულიდერა, რომელსაც უბრალოდ ბრწყინვალე თამაში ჰქონდა. მან 42 ქულა, 8 მოხსნა და 8 პასი დააგროვა! მას მხარი აუბა ჟოელ ეიმბიიდმა, რომლის აქტივში 34 ქულა და 13 მოხსნა იყო. მოკლედ, „ფილადელფიას“ ეს გამარჯვება სწორედ ჰარდენისა და ემბიიდის დამსახურებაა.

„ბოსტონში“ 24 ქულა ჰქონდა ჯეისონ ტეიტუმს, 23 ჯეილენ ბრაუნს, ხოლო მარკუს სმარტს - 21. აღსანიშნავია, რომ ტეიტუმმა 24 ქულასთან ერთად 18 მოხსნა და 6 პასიც დააგროვა.

ამრიგად, ანგარიში 2:2 გახდა, სერიის მეხუთე მატჩი კი 10 მაისს, ბოსტონში გაიმართება.