“ვალენსიას” კაპიტანი 2017/2018 წლების სეზონში დანიელ პარეხო იქნება. ესპანური გამოცემების ცნობით, ენცო პერესის და დიეგო ალვეშის წასვლის შემდგომ, მარსელინიო ტორალმა გუნდის გაძღოლა სწორედ 28 წლის ნახევარმცველს ანდო.

აღსანიშნავია, რომ პარეხო “ვალენსიას” კაპიტანი ადრეც იყო, თუმცა კლუბის ყოფილმა მწვრთნელმა გარი ნევილმა გაუგებარი მიზეზების გამო 2015 წელს კაპიტნის სამკლაური ჩამოართვა და უკანასკნელი წელიწადნახევრის განმალობაში, “ღამურების” კაპიტანი ჯერ პაკო ალკასერი, ხოლო შემდეგ ენცო პერესი გახლდათ.

შეგახსენებთ, რომ პარეხო “ლოს ჩეს” ღირსებას 2011 წლიდან იცავს და 238 მატჩში 36 გოლი აქვს გატანილი.