გერმანელმა მოდელმა, სარა ბრანდნერმა თავის დროზე სახელი და დიდება თანამემამულე ლეგენდარული ფეხბურთელის, ბასტიან შვაინშტაიგერის ცოლობისას დაიგდო და ახლა, მიუხედავად იმისა, რომ ბასტიანის გონება “სულ სხვაგან დაჰქრის”, სარა ძველებურად ცნობილი ქალია მთელს “ბუნდესქვეყანაში”.
ფეხბურთელთან განშორების შემდეგ, სარა არ გათხოვილა, თუმცა მის გარშემო ცნობილი თუ საზოგადოებისათვის ნაკლებად ცნობილი ოყლაყები მუდმივად გადი-გამოდიან და ეს მიდი-მოდი ცხადია გერმანიის ბულვარულ მედიას მუდმივ საწერსა და საკბილოს აძლევს.
რაც შეეხება ბასტიან შვაინშტაიგერის ახალ ცოლს - უცნობილეს მეჩოგნეს, ანა ივანოვიჩს... შვაინშტაიგერის პირველი ცოლის თქმით, მას არაფერი აქვს საწინააღმდეგო ივანოვიჩის მიმართ და არ ეწყინება, თუკი ბასტიანი მასთან ბედნიერი იქნება. რამდენად გულრწფელად ამბობს სარა ბრანდერი ამ სიტყვებს – ამის დადგენა ჩვენთვის რთულიცაა და შეუძლებელიც.
