წლების მატებას ყველა ქალი ისე გაურბის, როგორც შიშსა და სიძნელეს, მაგრამ არიან ქალები, რომელთაც წლები საერთოდ ვერაფერს აკლებენ და ალბათ ყველანი ვთანხმდებით, რომ ერთ-ერთი მათგანია ბრაზილიელი სუპერმოდელი ადრიანა ლიმა, რომელსაც ვერა კაცი ვერ დაიწუნებს.
შორს წაგვიყვანს იმ რომანების ჩამოთვლა, რაც ამ ქალს გამოუვლია და განუცდია. მასზე შეყვარებულთა შორის მრავალი ცნობილი სპორტსმენიც ყოფილა და ბევრს დაუხუჭავს თვალი ძილის წინ მასზე დარდითა და გულშეღონებით. ადრიანა კი მაინც მხოლოთ თავისუფლებისაკენ მიილტვის!
ადრიანა ლიმას თავისუფლებაზე მისი ჰობიც მეტყველებს. ამ ქალს განსაკუთრებულად ეგზოტიკურ ქვეყნებში მოგზაურობა იზიდავს და წელიწადში არაერთ საინტერესო ალაგსაც სტუმრობს. ერთ-ერთ ბოლო ინტერვიუში ის ქვეყნები და რეგიონები დაასახელა, მომავალში რომელთა ნახვასაც აპირებს და მათ შორის კავკასიაც აღმოჩნდა. ახლა ალბათ ის დროა, როდესაც ქართველმა კაცებმა უნდა ჩავახველოთ, შემელოტებულ თავზე ხელი გადავისვათ და მოლოდინს მივეცეთ...