"მილანის" მთავარმა მწვრთნელმა ვინჩენცო მონტელამ "ატალანტასთან" ფრედ (0:0) დასრულებული იტალიის ჩემპიონატის მე-17 ტურის მატჩის შემდეგ განაცხადა, რომ "როსონერი" ბოლო ორ მატჩში ერთ ქულაზე მეტს იმსახურებდა.
"მილანმა" მე-16 ტურში "რომასთან" მარცხი განიცადა, ამჯერად კი მხოლოდ 1 ქულა მოიპოვა.
"კომპლიმენტი მინდა ვუთხრა ბიჭებს და ამავდროულად სამარცხვინოა, რომ მოგება ვერ შევძელით. მიუხედავად ამისა, სატურნირო ცხრილში ჩვენი ადილით მაინც ბედნიერი ვარ. გუნდი ნელ-ნელა აუმჯობესებს თამაშს. გოლის გატანა შეგვეძლო, მაგრამ არ გამოგვივიდა, საბოლოოდ კი ისე გამოვიდა, რომ ლამის დავმარცხდით. ხალხი ბევრს ლაპარაკობს ჩვენ ახალგაზრდა მოთამაშეებზე, მაგრამ, ვფიქრობ ინაციო აბატემ და გაბრიელ პალეტამ "ატალანტასთან" კარგად ითამაშეს." - განაცხადა მონტელამ.
"მილანი" 31 ქულით მესამე ადგილზე იმყოფება. მომდევნო შეხვედრა "როსონერის" 23 დეკემბერს, "იუვენტუსთან" იტალიის სუპერთასის მატჩში ელის.
