2016 წლის 14-19 სექტემბერს, ავსტრიის ქალაქ სტეიერში ჩატარებულ EGKF (ევროპის გოჯუ-რიუ კარატე-დო ფედერაცია) XVIII ევროპის ჩემპიონატში მონაწილეობა მიიღო საქართველოს გოჯუ-რიუ კარატე-დოს ნაციონალური ფედერაციის ნაკრების გუნდმა.
სხვადასხვა წონით, ასაკობრივ, კატა-ს და ორთაბრძოლების (კუმიტე) ასპარეზობებში მონაწილეობა მიიღეს ნაკრები გუნდის ხელმძღვანელმა და მთავარმა ინსტრუქტორმა ოთარ გრძელიშვილმა, სპორტსმენებმა: გივი ქავთარაძემ, ლევან ბერიშვილმა და გიორგი აივაზაშვილმა. აქედან წარმატებას მიაღწიეს და საპრიზო ადგილებზე გავიდნენ:
- კატას ასპარეზობაში ოსტატთა შორის +55 წლის კატეგორიაში, ოთარ გრძელიშვილი - ბრინჯაოს მედალი;
- კუმიტე +84 კგ კატეგორიაში, გივი ქავთარაძე - ბრინჯაოს მედალი;
- კუმიტე -60 კგ კატეგორიაში, გიორგი აივაზაშვილი - ბრინჯაოს მედალი.
ნაკრების წევრებმა, ლაშა სუხიშვილმა და გივი ქავთარაძემ გაიარეს აკრედიტაცია და მიიღეს საერთაშორისო სამსაჯო სერტიფიკატები, რის შემდეგ წარმატებით იმსაჯეს აღნიშნულ ჩემპიონატზე.
საქართველოს გოჯუ-რიუ კარატე-დოს ნაციონალური ფედერაცია
