ზაზა ინაშვილმა ფოთის ”კოლხეთის” მთავარი მწვრთნელის პოსტი საკუთარი სურვილით დატოვა. ეს კლუბის ინფორმაციაა, რომელიც მათ Facebook-ის გვერდზე განთავსდა. ინაშვილის ხელმძღვანელობით გუნდი კარგ შედეგებს ვერ აჩვენებდა და ამიტომაც, მწვრთნელი იძულებული გახდა თანამდებობა დაეტოვებინა.
ზაზა ინაშვილი: “საკუთარი სურვილით დავტოვე ფოთის “კოლხეთი” და კლუბს წარმატებებს ვუსურვებ შემდეგ მატჩებში”.
ფოთელებს უმაღლესი ლიგის 7 ტურში მხოლოდ 4 ქულა აქვთ და ბოლოდან მესამე ადგილზე არიან.
ჯერჯერობით უცნობია, თუ ვინ დაინიშნება ინაშვილის შემცვლელად.
ვანო ხუციშვილი
