ესტონეთის დედაქალაქ ტალინში გრძელდება პაულ კერესის სახელობის საერთაშორისო ტურნირი, რომელშიც საქართველოს ღირსებას აკაკი შალამბერიძე (2372) და ვარლამ ვეფხვიშვილი (2185) იცავენ.

6 ტურის თავზე შალამბერიძეს 4.5 ქულა გააჩნია და მე-7 ადგილზე იმყოფება, ხოლო ვეფხვიშვილს 3.0 ქულით 34-ე პოზიცია უკავია.

5.0-5.0 ქულით ტურნირის სათავეში რუსები – არტიომ სმირნოვი (2418) და ალექსანდრ დანინი (2602) იმყოფებიან.

9 ტურად მიმდინარე შეჯიბრის მე-7 ტურში შალამბერიძე თეთრი ფიგურებით ვასილი იემელინს (რუსეთი, 2558) ეთამაშება, ხოლო ვეფხვიშვილი ჰენრიკ ჰაავამაეს (ესტონეთი, 2017) გაეჯიბრება.

ტურნირის გამარჯვებული ორ ათას ევროს მიიღებს.