მადრიდის “რეალის” მთავარი მწვრთნელი ჟოზე მოურინიო მისი თანამემამულის და ჯერ კიდევ შეგირდის, პეპეს კომენტარს ეხმაურება და აცხადებს, რომ ამ უკანასკნელის პრობლემა რაფაელ ვარანია.

ცოტა ხნის წინათ, პეპემ განაცხადა, რომ მოურინიოს კასილიასის მიმართ მეტი პატივისცემის გამოჩენა მართებს, რაზეც “განსაკუთრებულმა” შემდეგნაირად უპასუხა: “პეპეს კომენტარი? მისი სიტყვების გაანალიზება ძალიან მარტივია. პეპეს პრობლემა აქვს და ამ პრობლემას რაფაელ ვარანი ჰქვია. 31 წლის მცველმა ძირითად შემადგენლობაში ადგილი 19 წლის ფეხბურთელის გამო დაკარგა. ვის ეყოფოდა ვარანის მოედანზე გამოშვების გამბედაობა? მე ეს გავაკეთე.” – აცხადებს მოურინიო, რომელიც კომენტარს იკერ კასილიასისა და დიეგო ლოპესის შესახებაც აკეთებს – “როგორც მეკარე, იკერ კასილიასს დიეგო ლოპესი მირჩევნია. ჩემსა და იკერს შორის ცუდი არაფერი ხდება.” – ციტირებს “განსაკუთრებულის” სიტყვებს Goal-ი.