“პარი სენ-ჟერმენის” ფორვარდმა ედინსონ კავანიმ ადაპტაციის პერიოდსა და სამომავლო გეგმებზე ისაუბრა. ურუგვაელი მიიჩნევს, რომ პარიზელებს უეფას ჩემპიონთა ლიგის მოგება შეუძლიათ.
“ახლა, პარიზში თავს კარგად ვგრძნობ. თავიდან გამიჭირდა, რადგან ბევრ რამესთან შეგუება მომიწია. აქაური გულშემატკივრები ყოველთვის მხარში მედგნენ და მამხნევებდნენ. ჩემპიონთა ლიგა? ნამდვილად ვფიქრობ, რომ თასის აწევა შეგვიძლია. ფეხბურთში ყველაფერი შესაძლებელია”, - განუცხადა თავდამსხმელმა ფრანგულ მედიას.
შეგახსენებთ, რომ კავანი პსჟ-ში “ნაპოლიდან” გადავიდა.
