ლონდონის “არსენალის” ნახევარმცველმა სერჟ გნაბრიმ კლუბთან კონტრაქტი 5 წლით გაახანგრძლივა. ახალი ხელშეკრულების თანახმად, 18 წლის ფეხბურთელი კვირაში 20000 გირვანქა სტერლინგს მიიღებს.
ეს ფაქტი ადასტურებს, რომ ლონდონელთა მთავარ მწვრთნელს არსენ ვენგერს გერმანიის ჭაბუკთა ნაკრების მოთამაშის დიდი იმედი აქვს, რომელიც პირველ გუნდში მიმდინარე სეზონში დააწინაურეს.
მიმდინარე სეზონში, გნაბრის “არსენალის” სასტარტო შემადგენლობაში პრემიერლიგაში “სტოკთან” ჰქონდა ნათამაშევი, ხოლო ამ მატჩიდან ერთი კვირის შემდეგ, “სუონსის” კარში გოლი გაიტანა.
გარდა ამისა, განბრიმ შეცვლაზე “ნორვიჩთან” და “შალკესთან” ითამაშა.
“ჩვენ სერჟ გნაბრისთან კონტრაქტი გავაფორმეთ, რადგან მჯერა, რომ ის საუცხოო მოთამაშე იქნება. იგი ასეთი თითქმის უკვე არის, ხოლო ახლა გუნდის სასტარტო შემადგენლობაში ადგილის მოსაპოვებლად იბრძვის. გნაბრი ტექნიკურია, ძლიერია, სწრაფია, შეტევის დასრულება და ბოლო პასის გაკეთება შეუძლია” – იუწყება ვენგერის სიტყვებს ბრიტანულ პრესა.
