„ბარსელონას“ ნახევარმცველი სესკ ფაბრეგასი კლუბის დატოვებას არ აპირებს. ევროპული სააგენტოების მიერ ბოლო დროს გავრცელებული ინფორმაციის თანახმად, ესპანეთის ნაკრების 27 წლის ფეხბურთელის შეძენა „მანჩესტერ იუნაიტედს“ და „მანჩესტერ სიტის“ სურთ და დაახლოებით 45 მილიონი გირვანქა სტერლინგის გადასახდელად მზად არიან, მაგრამ... El Mundo Deportivo-ს ცნობით, თავად ფაბრეგასს „ბარსელონა“ არ ეთმობა.

ესპანეთის ჩემპიონატისა და ჩემპიონთა ლიგის მიმდინარე სეზონში სესკ ფაბრეგასმა 43 თამაში ჩაატარა. 9 გოლი გაიტანა და 18 საგოლე პასი გააკეთა.