ლონდონის “ჩელსი” “მანჩესტერ იუნაიტედის” ფორვარდის – უეინ რუნის შეძენით სერიოზულადაა დაინტერესებული. The Telegraph-ის ცნობით, “არისტოკრატები” 27 წლის ინგლისელში 20 მილიონი გირვანქა სტერლინგის გადასახდელად არიან მზად.

თავის მხრივ, რუნი არ მალავს, რომ ლონდონელთა თავკაც ჟოზე მოურინიოსთან მუშაობით დაინტერესებულია. პრობლემა ისაა, რომ “მანჩესტერს” ინგლისელის გაყიდვა ქვეყნის ფარგლებს გარეთ სურს, რათა კონკურენტი არ გააძლიეროს.

გავრცელებული ინფორმაციით, რუნი “ოლდ ტრაფორდზე” იმ შემთხვევაში დარჩება, თუ მისი ანაზღაურება – კვირაში 250 ათასი გირვანქა სტერლინგი უცვლელი დარჩება.