თესალონიკში გამართულ ჭაბუკთა ევროპის თასზე ჩვენმა ძიუდოისტებმა 14 მედალი მოიპოვეს, რისი დამსახურებითაც საერთო გუნდურ ჩათვლაში პირველი ადგილი დაიკავეს.

პირველი ადგილი და შესაბამისად ოქროს მედალოსნები გახდნენ: იესო სამსიანი (-73კგ), ლუკა აბგაიძე (-90კგ) და ნიკოლოზ აფციაური(+90კგ).

ვერცხლის მედლები დაისაკუთრეს: ნიკოლოზ ფალელაშვილმა (-60 კგ), ნიკა ბრეგვაძემ (-66 კგ), მაია ღვალაძემ (+70კგ), გიორგი მჭედლიშვილმა (-73კგ) და ოთარ ჯაფარიძემ(+90კგ), ხოლო ტურნირი მესამე ადგილზე დაასრულეს: თორნიკე მდინარაძემ (-55 კგ), თამარ გამიაშვილმა(-57კგ), გიგი კეკვიაშვილმა (-66 კგ), ნია ქაფიანიძემ (+70კგ), გიორგი გეწაძემ (-73კგ) და ლუკა ბუზიაშვილმა.(-81კგ)