ცნობილმა იტალიელმა კომენტატორმა ფაბიო კარესამ განაცხადა, რომ „ნაპოლიში“ ტრანსფერებზე რომ მუშაობდეს, ხვიჩა კვარაცხელიას გაყიდდა და სანაცვლოდ სამ ფეხბურთელს შეიძენდა.
„კონტრაქტს თუ არ გაახანგრძლივებს, კვარაცხელიას გავყიდდი, უამრავ ფულს გამოვიმუშავებდი და სანაცვლოდ სამ ფეხბურთელს შევიძენდი. „ნაპოლის“ ადგილას რასპადორისაც გავუშვებდი და ისეთ თავდამსხმელს შევიძენდი, რომელიც ლუკაკუს თვისებებით უფრო მეტად ჰგავს“, - თქვა კარესამ.
შეგახსენებთ, რომ ფაბიო კარესამ ცოტა ხნის წინ „მილანს“ ტეო ერნანდესის გაყიდვა და საბა გოგლიჩიძის შეძენა ურჩია.
