„ლივერპულის“ მთავარმა მწვრთნელმა იურგენ კლოპმა „ატალანტასთან“ ევროპა ლიგის მეოთხედფინალური მატჩის წინ პრესკონფერენცია გამართა.

როგორც კლოპმა აღნიშნა, მისი გუნდის მიზანი არა მარტო პრემიერლიგის, არამედ ევროპა ლიგის მოგებაცაა.

„ჯერ არ ვიცი, შეძლებენ თუ არა თამაშს ალექსანდერ-არნოლდო, ალისონი, დიოგი ჟოტა და ბაიცეტიჩი. ტრენტი და დიოგო ჟოტა უკეთ არიან, ბაიცეტიჩის მდგომარეობა ცოტა განსხვავებულია, რადგან მას დიდი ხანი გაუცდა. ალისონიც ბრუნდება, მაგრამ 7-8 კვირაა არ უთამაშია, ვნახოთ, რა იქნება.

2016 წელს ჩვენ „სევილიასთან“ წავაგეთ ევროპა ლიგის ფინალი, მაგრამ იმ მომენტიდან, როცა ამ ტურნირზე თამაში დავიწყეთ, გვინდა მისი მოგება, რადგან „ლივერპული“ ვართ და გვინდა ყველა ტურნირი მოვიგოთ.

იტალიაში მუშაობა? ერთადერთი, რასაც იტალიაში ვიცნობ, იტალიური საკვებია. ამჟამად არ ვაპირებ სამწვრთნელო საქმიანობის გაგრძელებას, ერთი წლის შემდეგ მკითხეთ, ჯერჯერობით კი, არაფერს ვგეგმავ.

ჩვენს წინააღმდეგ თამაში სტომატოლოგთან ვიზიტს ჰგავს! „ატალანტა“ შეიცვალა, მაგრამ მწვრთნელი იგივე ჰყავს და საკმაოდ სტაბილურად თამაშობს. ძალიან ორგანიზებულ და გამოცდილ მეტოქეს ველოდებით, ორივე გუნდისთვის რთული იქნება“, - თქვა კლოპმა.

შეგახსენებთ, რომ „ლივერპული“ – „ატალანტას“ მატჩი 11 აპრილს გაიმართება.