ცნობილმა იტალიელმა ჟურნალისტმა ფაბრიციო რომანომ მიმდინარე სეზონის დასრულების შემდეგ ლევერკუზენის „ბაიერის“ მთავარი მწვრთნელის, ჩაბი ალონსოს მომავლის შესახებ ინფორმაცია გაავრცელა. მისი თქმით, ალონსოსთვის კარიერის გაგრძელების ერთ-ერთი ყველაზე სავარაუდო ვარიანტი მიუნხენის „ბაიერნში“ გადასვლაა.
„ბაიერნის“ უპირატესობა ის არის, რომ მათ უკვე აქვთ სტრუქტურა, მკაფიო იდეები იმის შესახებ, თუ როგორ წარუდგინონ თავიანთი პროექტი ჩაბი ალონსოს თუ სხვა კანდიდატებს. ჯერჯერობით ესპანელი „ბაიერზეა“ კონცენტრირებული.
„ლევერკუზენის“ გულშემატკივრები იმედოვნებენ, რომ ალონსო კლუბში კიდევ ერთი წელით დარჩება, მაგრამ ჩემი აზრით, ზოგიერთ წყაროსთან საუბრის შემდეგ, ეს ძალიან რთული იქნება. „ბაიერნი და „ლივერპული“ ძალიან აქტიურები იქნებიან მოლაპარაკებებში", - წერს ტვიტერზე რომანო.
42 წლის ესპანელი სპეციალისტი ჩაბი ალონსო ლევერკუზენის „ბაიერს“ 2022 წლის ოქტომბრიდან ხელმძღვანელობს.
