ქუთაისის „ტორპედოს“ ყოფილი მცველი საბა გოგლიჩიძე კარიერას „ემპოლიში“ გააგრძელებს. ეს ტრანსფერი დიდი ხნის წინ დაანონსდა, მაგრამ მხოლოდ ახლახან გაოფიციალურდა.
გოგლიჩიძემ „ემპოლისთან“ კონტრაქტი 2028 წლის ზაფხულამდე გააფორმა და ის გუნდშ 2-ნომრიანი მაისურით ითამაშებს.
შეგახსენებთ, რომ „ემპოლიში“ თავის დროზე ლევან მჭედლიძეს და ირაკლი შეყილაძეს აქვთ ნათამაშები. ტოსკანელები ამჟამად სერია A-ში 20 ტურის შემდეგ 13 ქულით ბოლოსწინა, მე-19 ადგილზე არიან. იტალიაში ხვიჩა კვარაცხელია, გიორგი კვერნაძე, ლუკა ლოჩოშვილი, ივა გელაშვილი და საბა საზონოვი თამაშობენ.
აღსანიშნავია, რომ „ემპოლის“ ცოტა ხნის წინ მთავარი მწვრთნელი შეეცვალა - აურელიო ანდრეაცოლის ნაცვლად დავიდე ნიკოლა დანიშნეს.
19 წლის საბა გოგლიჩიძე „ტორპედოში“ 2019 წლიდან თამაშობდა, საქართველოს 21-წლამდე ნაკრებში კი 4 მატჩი აქვს ჩატარებული.
