ინგლისის პრემიერლიგაში Boxing Day მოულოდნელი შედეგით დაიწყო, რადგან „ნიუკასლ იუნაიტედი“ საკუთარ მოედანზე „ნოტინგემ ფორესტთან“ დამარცხდა.

არადა, „ჯორდები“ ალექსანდრ ისაკის გოლით დაწინაურდნენ, მაგრამ შემდეგ კრის ვუდის ბენეფისის ჯერი დადგა. 32 წლის ახალზელანდიელმა ფორვარდმა თავისი ყოფილი გუნდის წინააღმდეგ ჰეთ-თრიქი შეასრულა და 1:3.

„ნოტინგემმა“ ამ გამარჯვებით 17 ქულა დააგროვა და მომდევნო ტურში 30 დეკემბერს „მანჩესტერ იუნაიტედს“ უმასპინძლებს. „ნიუკასლს“ 29 ქულა აქვს და მეშვიდეა, წინ კი 1 იანვარს, „ლივერპულთან“ საგარეო მატჩი ელოდება.

ზოგადად, ედი ჰაუს გუნდი კრიზისშია, რადგან პრემიერლიგის ბოლო 5 ტურში 4 მარცხი განიცადა, ამავე პერიოდში იყო ჩემპიონთა ლიგაზე „მილანთან“ საშინაო წაგებაც.

„ნიუკასლი“ – „ნოტინგემი“ 1:3 (1:1)

გოლები: 1:0 ისაკი (23, პენ), 1:1 ვუდი (45), 1:2 ვუდი (53), 1:3 ვუდი (60)