მადრიდის „რეალის“ ნახევარმცველი ვინისიუს ჟუნიორი ბრაზილიისა და კოლუმბიის შეხვედრაში დაშავდა.
ბრაზილიელი 27-ე წუთზე ბარძაყის დაზიანების გამო შეცვალეს. ჯერჯერობით, უცნობია ტრავმის სიმძიმე, მაგრამ სანაკრებო პაუზიდან „რეალისთვის“ კარგი ამბები არ მოდის, რადგან ვინისიუსის გარდა, ედუარდო კამავინგაც დაშავდა.
საფრანგეთის ნაკრების შეკრებაზე კამავინგამ სერიოზული ტრავმა მიიღო და სავარაუდოდ ორი თვე ვერ ითამაშებს.
შეგახსენებთ, რომ ბრაზილიის ნაკრები კოლუმბიასთან 1:2 დამარცხდა და კონმებოლის ზონაში ზედიზედ მეორე მარცხი განიცადა.
