"უოტფორდის" ფეხბურთელ გიორგი ჩაკვეტაძეს მცირე ტრავმა აქვს და ინგლისის ლიგის თასზე, „სტივენეიჯთან“ ვერ ითამაშა.
როგორც ინგლისური გუნდის მთავარმა მწვრთნელმა, ვალერიან ისმაელმა აღნიშნა, სერიოზული არაფერია, მაგრამ გარისკვა საჭირო არ იყო.
„მატჩის შემდეგ მცირე დარტყმა მიიღო. სერიოზული არაფერია, მაგრამ სეზონის დასაწყისში გარისკვა საჭირო არ იყო“, - თქვა ფრანგმა სპეციალისტმა.
ჯერჯერობით, გიორგის მცირე ტრავმის შესახებ სხვა ინფორმაცია არ ვრცელდება და უცნობია ისიც, ითამაშებს თუ არა, შაბათს, ჩემპიონშიფის მომდევნო ტურში.
შეგახსენებთ, გიორგი ჩაკვეტაძემ „ქუინზ პარკ რეინჯერსთან“ სადებიუტო მატჩში თავი კარგად წარმოაჩინა და კომპლიმენტები დაიმსახურა, როგორც ფანებისგან, ისე მწვრთნელისგან. „უოტფორდი“ ჩემპიონშიფის მეორე ტურში 12 აგვისტოს, „პლიმუთს“ დაუპირისპირდება.
აქვე გეტყვით, რომ "უოტფორდი" "სტივენეიჯთან" პენალტების სერიაში და ასპარეზობას გამოეთიშა.
