„ნიუკასლ იუნაიტედმა“ „ლესტერ სიტიდან“ ჰარვი ბარნსის ტრანსფერი ოფიციალურად დაადასტურა. „კაჭკაჭებმა“ „მელიებს“ 25 წლის ფეხბურთელში 40 მილიონი ევრო გადაუხადეს.

ბარნსის ტრანსფერი იმას ნიშნავს, რომ „ნიუკასლში“ ხვიჩა კვარაცხელიას გადასვლა პრაქტიკულად გამოირიცხა, რადგან ინგლისელებმა ეს პოზიცია გააძლიერეს. ჰარვიმ „ნიუკასლთან“ 5-წლიანი კონტრაქტი გააფორმა და ის „ჯორდების“ მესამე შენაძენია მიმდინარე ზაფხულს სანდრო ტონალისა და იანკუბა მინტეს შემდეგ.

„ბედნიერი ვარ, ყველა თავდამსხმელის ოცნებაა ასეთ გუნდს შეუერთდეს. ფანტასტიკურ კლუბში მოვხვდი, რომელშიც საინტერესოდ მუშაობენ და ამით ძალიან აღტაცებული ვარ“, - თქვა ბარნსიმ.

შეგახსენებთ, რომ ჰარვი ბარნსიმ „ლესტერში“ 2017 წლიდან 187 მატჩში 45 გოლი გაიტანა. მას იჯარით ასევე უთამაშია „მილტონში“, ბარნსლისა“ და „ვესტ ბრომვიჩში“, ხოლო ინგლისის ნაკრებში ერთი თამაში აქვს ჩატარებული.