გიორგი მიქაუტაძემ პრესეზონზე ზედიზედ მეორე ამხანაგურ მატჩში მოახერხა გოლის გატანა.
„მეცმა“ სპარინგში „ტრუა“ 3:0 დაამარცხა, ქართველმა ფეხბურთელმა კი მე-7 წუთზე შეძლო ანგარიშის გახსნა. მან ბურთი საჯარიმოს გარეთ მიიღო, მცველი მოატყუა და მეკარეს ახლო მანძილიდან აჯობა.
„მეცი“ მომდევნო ამხანაგურ მატჩს 25 ივლისს, „სოშოსთან“ ჩაატარებს, ხოლო ლიგა 1-ის პირველ ტურში 13 აგვისტოს, სტუმრად „რენს“ დაუპირისპირდება.
