ესპანელმა მწვრთნელმა რაფაელ ბენიტესმა „ნაპოლიში“ დაბრუნება არ გამორიცხა. მართალია, მას გადაჭრით არაფერი უთქვამს, მაგრამ აღნიშნა, რომ მზადაა ამბიციური გუნდი ჩაიბაროს.
„ნაპოლიში“ დაბრუნება? არ ვიცი, ეს უკვე ბევრჯერ მკითხეს. ჯერ კიდევ ველოდები შეთავაზებებს, ისევ მინდა გამარჯვება, ჩემი მენტალიტეტი ნათელია: არ მომწონს საშუალო დონის გუნდებში მუშაობა, პირველობისთვის ბრძოლა მინდა. „ნაპოლიში“ დაბრუნებას რაც შეეხება, ეს ჩემი გადასაწყვეტი არ არის, მზად ვარ, საერთაშორისო ფეხბურთს ვუყურებ და ჩემს პერსონალთან ერთად თამაშებს ვაანალიზებ“, - თქვა ბენიტესმა.
შეგახსენებთ, რომ რაფაელ ბენიტესი „ნაპოლის“ 2013-2015 წლებში ავარჯიშებდა. ესპანელი ლუჩანო სპალეტის შემცვლელთა შორის ერთ-ერთია, მაგრამ ჯერჯერობით, უცნობია, აურელიო დე ლაურენტისი საბოლოოდ, რა გადაწყვეტილებას მიიღებს.
