ჟურნალისტმა ტონი ხუანმარტიმ თავის სოციალურ ქსელში გამოაქვეყნა ვიდეო, რომელზეც კარგად ჩანს, თუ როგორ შედის ლიონელ მესის მამა ხორხე კატალონიური „ბარსელონას“ პრეზიდენტის სახლში, უშუალოდ ჟოან ლაპორტასთან შესახვედრად.
როგორც AS იტყობინება, შეხვედრის შემდეგ ხორხე მესიმ განაცხადა, რომ მის შვილს "ბარსელონაში" დაბრუნება უნდა: "ლეოს "ბარსაში" დაბრუნება სურს და მეც იგივე მინდა. გვჯერა, რომ ლეოს შეუძლია დაბრუნდეს".
კიდევ ერთი ჟურნალისტი ფაბრიციო რომანო ადასტურებს, რომ რადგანაც ლა ლიგა უკვე თანახმაა ამ ტრანსფერზე, მხარეები არგენტინელის კატალონიაში შესაძლო დაბრუნებას განიხილავენ.
მესი „ბარსელონადან“ პსჟ-ში 2021/22 წლების სეზონის წინ გადავიდა და ორი წლის განმავლობაში, ფრანგული გრანდის შემადგენლობაში ჩატარებულ 75 მატჩში 32 გოლი გაიტანა და 34 საგოლე გადაცემა შეასრულა.
