ლეგენდარულმა იტალიელმა მწვრთნელმა მარჩელო ლიპიმ „ნაპოლის“ შესახებ ისაუბრა. როგორც მან თქვა, გუნდმა დამსახურებულად მოიგო სკუდეტო, რაშიც ყველამ თანაბარი წვლილი შეიტანა.
„ნაპოლის“ სკუდეტო? ეს სამართლიანი ჯილდო იყო დიდებული სეზონისთვის. რა მომეწონა სპალეტის „ნაპოლიში? აგრესიულობა და თამაშის საერთო მანერა. როგორ უტევდნენ მეტოქეს და ძალიან სწრაფად ავითარებდნენ მოქმედებას. ვფიქრობ, „ნაპოლი“ სამართლიანად იქცა ამოსავალ წერტილად მათთვის, ვისაც გამარჯვება და ამავდროულად კარგად თამაში სურს.
ლუჩანო ჩემსავით ტოსკანელია. მომწონს ის, როგორც პიროვნება და როგორც მწვრთნელი. სერიოზულად მუშაობს და შესანიშნავი ურთიერთობა აქვს ადამიანებთან, ვინც მასთან მუშაობს, განსაკუთრებით ფეხბურთელებთან. სეზონის მთავარი გმირი? ყველანი გმირები არიან, ყველა ერთად: ფეხბურთელები, მწვრთნელი, ჯუნტოლი, პრეზიდენტი და გულშემატკივრები. არ არსებობს ისეთი ადამიანი, რომელსაც სხვებზე მეტი დამსახურება აქვს“, - თქვა ლიპიმ.
შეგახსენებთ, რომ მარჩელო ლიპი „ნაპოლიში“ 1993-1994 წლების სეზონში მუშაობდა და შემდეგ „იუვენტუსში“ გადავიდა.
