იტალიელმა ჟურნალისტმა და მწერალმა მარკო ჩირიელომ ხვიჩა კვარაცხელიაზე ისაუბრა. როგორც მან თქვა, ძნელია ისეთი ფეხბურთელის პოვნა, რომელიც თამაშისგან ისეთ სიამოვნებას იღებს, როგორც კვარაცხელია.
ჩირიელომ კვარაცხელია მარტინ სკორსეზეს ფილმებსაც კი შეადარა.
„კვარაცხელიამ ძალიან დიდი სიამოვნება მოგვანიჭა. ძნელია ისეთი ფეხბურთელის პოვნა, რომელიც ფეხბურთისგან მისნაირად ერთობა ფეხბურთის თამაშით. მახსენდება ფოდენი, მაგრამ ალბათ, კვარასავით სიამოვნებას ვერ იღებს. „ფიორენტინასთან“ მან თამაში შეცვალა. კვარა ყოველთვის ბავშვივით თამაშობს, ეს არის ჩემი შთაბეჭდილება. როგორც მარტინ სკორსეზეს ფილმებში ხდება, ყოველთვის ველოდები ჯო პეშის მოსვლას. ის ჯო პეშია. ოსიმენი კვარასგან განსხვავებით ქარია, რომელიც ხანდახან ზედმეტი ენთუზიაზმისგან შეცდომებსაც უშვებს“, - თქვა ჩირიელომ.
