საქართველოს ნაკრების მეკარემ, გიორგი ლორიამ კვიპროსის ჩემპიონატის მე-18 ტურში „აეკ ლარნაკას“ წინააღმდეგ პენალტი მოიგერია და საბოლოოდ, კარი მშრალადაც შეინახა.



მატჩის 21-ე წუთზე „ანორთოსისის“ კარში პენალტი დაინიშნა, რომლის შესასრულებლადაც „აეკ ლარნაკას“ უნგრელი შემტევი, გიურსკო მივიდა, თუმცა ლორიამ მას კუთხე გამოუცნო და ბურთი მოიგერია.

ქართველმა მეკარემ დარჩენილი მატჩიც კარგად ჩაატარა, გოლი არ გაუშვა და „ანორთოსისს“ ქულა მოუტანა. შეხვედრა უგოლოდ, 0:0 დასრულდა.

შეგახსენებთ, რომ რამდენიმე კვირის წინ ქართველმა მეკარემ პენალტი „აპოელთან“ მატჩშიც მოიგერია. ძირითად შემადგენლობაში თამაშობდა ავთო ებრალიძეც, რომელიც 51-ე წუთზე დაშავდა და შეცვალეს.

დღევანდელი ფრის შემდეგ „ანორთოსისი,“ საიდანაც გუშინ მთავარი მწვრთნელი, ქართველებისთვის კარგად ნაცნობი ჩისკო მუნიოსი გაუშვეს, 19 ქულით მე-9 პოზიციას იკავებს. მომდევნო მატჩს ქართველების გუნდი 15 იანვარს, „აპოლონის“ წინააღმდეგ ჩაატარებს.