საფრანგეთის ნაკრებს შესაძლოა ტრავმის გამო კიდევ ერთხელ ფეხბურთელი, ამჯერად კინგსლი კომანი გამოაკლდეს.
ფრანგული მედიის ცნობით, მან ბარძაყის დაზიანება მიიღო და ხუთშაბათის ვარჯიში ნაადრევად დატოვა. ჯერჯერობით, დაზიანების სიმძიმე უცნობია, მაგრამ „ბაიერნის“ შემტევი სავარაუდოდ, დანიის ნაკრების წინააღმდეგ ვერ ითამაშებს.
შეგახსენებთ, რომ საფრანგეთის ნაკრებს ტრავმების გამო კარიმ ბენზემა, კრისტოფერ ნკუნკუ, ლუკას ერნანდესი, პრისნელ კიმპემბე, პოლ პოგბა, მაიკ მენიო და ნგოლო კანტე გამოაკლდა.
