ლონდონის „ჩელსის“ მთავარ მწვრთნელ ტომას ტუხელსა და „ტოტენჰემის“ თავკაც ანტონიო კონტეს შორის ფიზიკური დაპირისპირება მოხდა.

უჩვეულო ამბავი ახლახან, ლონდონურ დერბიში მოხდა, როდესაც მწვრთნელებმა ორჯერ იჩხუბეს. ყველაფერი პიერ-ემილ ჰოიბერგის გოლს მოჰყვა, რომელიც კონტემ ძალიან ემოციურად აღნიშნა, „ჩელსის“ სათადარიგო სკამთან, რაზეც ტუხელმა რეაგირება მოახდინა და კონტესთან იჩხუბა. მხარეები მალევე გააშველეს, მსაჯმა კი მათ ყვითელი ბარათი უჩვენა.

ვითარება კიდევ უფრო თამაშის დასრულების შემდეგ გამწვავდა, როდესაც კონტემ ტუხელს ხელი ჩამორთვა, საპასუხოდ კი მწვავე რეაქცია მიიღო, რასაც ფიზიკური დაპირისპირება მოჰყვა. საბოლოოდ, ორივე გააძევეს, მათი გაშველება კი იქვე მყოფმა ადამიანებმა და ფეხბურთელებმა მოახერხეს.

თამაში ფრედ 2:2 დასრულდა. კალიდუ კულიბალისა და რის ჯეიმსის გოლებით „ჩელსი“ ორჯერ იგებდა, თუმცა უპირატესობა ვერ შეინარჩუნა, მეორე გოლი კი ჰარი კეინისგან მსაჯის მიერ კომპენსირებულ მეექვსე წუთზე გაუშვა.

„ჩელსისა“ და „ტოტენჰემს“ ორ ტურში 4-4 ქულა აქვთ, მომდევნო ტურში ტუხელის გუნდი „ლიდსს“ ესტუმრება, კონტეს შეგირდები კი „ვულვზს“ უმასპინძლებენ.

„ჩელსი“ – „ტოტენჰემი“ 2:2 (1:0)

გოლები: 1:0 კულიბალი (19), 1:1 ჰოიბერგი (68), 2:1 ჯეიმსი (77), 2:2 კეინი (90)