„ჰალ სიტი“ ჩემპიონშიფში რეკორდულ დაუმარცხებელ სვლას განაგძობს. სამი ტურის შემდეგ „ვეფხვები“ 7 ქულით პირველ ადგილზე არიან, თუმცა ამდენივე ქულა მოუგროვდა „უოტფორდსაც,“ ხოლო „ბლექბერნს“ ერთით ნაკლები აქვს და გამარჯვების შემთხვევაში პირველ ადგილზე გადავა. „ბლექბერნი“ კვირას მასპინძლობს „ვესტ ბრომვიჩს.“

ამჯერად „ჰალმა“ შინ „ნორვიჩი“ 2:1 დაამარცხა. მასპიძელთა მთავარმა მწვრთნელმა, შოთა არველაძემ, წინა შეხვედრასთან შედარებით, სასტარტო შემადგენლობაში ექვსი ცვლილება განახორციელა.

მასპინძელთაგან დუბლი მიითვალა კოლუმბიელმა ოსკარ ესტუპინიანმა. სტუმრებმა კი ერთი საპასუხო მოგვიანებით გაიტანეს. თავი ჩილელმა მარსელინო ნუნიესმა გამოიჩინა.

ჰალელთა შემადგენლობაში მე-100 მატჩი ჩაატარა კალუმ ელდერმა. კაპიტანმა ლუი კოილმა კი - 50-ე.