ლონდონის „ჩელსი“ „მანჩესტერ სიტის“ ნახევარმცველ რაჰიმ სტერლინგს ეპატიჟება. ამის შესახებ ბრიტანული მედია იტყობინება.
სტერლინგი მიმდინარე სატრანსფერო პერიოდში „არისტოკრატების“ მთავარი სამიზნეა შეტევის ხაზის გასაძლიერებლად. ლონდონელებმა „სიტისთან“ ტრანსფერზე მოლაპარაკებები უკვე დაიწყეს.
მოსალოდნელია, რომ „ქალაქელები“ ინგლისელ ფეხბურთელს 50-60 მილიონ გირვანქა სტერლინგად შეაფასებენ. საინტერესოა ისიც, რომ მას კონტრაქტი 2023 წელს ეწურება, რამაც ტრანსფერის ალბათობა შესაძლოა გაზარდოს.
შეგახსენებთ, რომ გასულ სეზონში სტერლინგმა „სიტის“ რიგებში ყველა ტურნირზე 47 მატჩი ჩაატარა, 17 გოლი გაიტანა და 9 საგოლე პასი გააკეთა.
