საქართველოს საკალათბურთო ნაკრების კაპიტანი თორნიკე შენგელია, რომელიც ამჯერად იტალიური "ვირტუს ბოლონიას" ღირსებას იცავს, რამდენიმე კლუბის ყურადღების ცენტრშია. ქართველი კალათბურთელის შეძენით არაერთი კლუბია დაინტერესებული.

იტალიური vunerebologna-ს ინფორმქციით "თოკომოტივის" შეძენით ესპანური "ვალენსია ბასკეტი" არის დაინტერესებული. შენგელია "ვალენსიას" შემადგენლობაში 2008-2010 წლებში თამაშობდა და კალათბურთში მისი პროფესიონალური დებიუტიც ამ გუნდის რიგებში შედგა. გეტყვით იმსსაც, რომ თოკოს დატოვებით ბოლონიელებიც არიან დაინტერესებულნი და ქართველთან კონტრაქტის გახანგრძლივებაზე აქტიურად მუშაობენ.

თორნიკე შენგელია "ვირტუს ბოლონიას" მას შემდეგ შეუერთდა, რაც რუსეთ-უკრაინის ომის შემდეგ მოსკოვის "ცსკა" პროტესტის ნიშნად დატოვა. თოკო იტალიური გუნდის მაისურით ევროქაფის გამარჯვებული გახდა. ასევე, "ვირტუს ბოლონია" იტალიის ჩემპიონატის ფინალშია გასულ და ფინალურ სერიაში "ოლიმპია მილანოსთან" 1:3 მარცხდება. შენგელიას გუნდს ფინალური სერიის მომდევნო მატჩი ხვალ ელის.

თორნიკე შენგელია სხვადასხვა დროს: "ვალენსიას", "სპიროუს", "ვერვიერსის", "ბრუკლინ ნეტსის", "გრენდ რეპიდს გოლდის", "ჩიკაგო ბულსის" და მოსკოვის "ცსკას" ღირსებას იცავდა.

2019 წელს თორნიკე შენგელია ესპანეთის ჩემპიონატის საუკეთესო კალათბურთელად დასახელდა. 2020 წელს კი, "ბასკონიასთან" ერთად ლიგა ენდესას გამარჯვებული გახდა.

ტატო ნიკურაძე