ფიფა არ აპირებს მსოფლიოს 2022 წლის ჩემპიონატის შესარჩევ ფლეი ოფში მოკვეთილი რუსეთის ნაკრების მაგიერ სხვა გუნდის ჩასმას. ასე რომ, პოლონეთი პირდაპირ გავა ტურნირის ფინალში, სადაც შვედეთ-ჩეხეთის გამარჯვებულს შეხვდება - გვამცნობს Przeglad Sportowy.
წყაროს ცნობით, ფიფას ეს ამბავი ოფიციალურად ჯერ არ გამოუცხადებია, მაგრამ ამას პარასკევს, 4 მარტს შევიტყობთ.
რუსეთის ნაკრების საერთაშორისო შეჯიბრებებიდან მოკვეთის შემდეგ, ფიფა რამდენიმე ვარიანტს ამუშავებდა. მაგალითად, მოეწყოთ სამგუნდიანი მინი-ტურნირი, რომელშიც პოლონეთი, შვედეთი და ჩეხეთი ითამაშებდნენ, მაგრამ პრობლემა ლოგისტიკა და თარიღების შერჩევა გახდა.
იყო აზრი რუსეთი სლოვაკეთით ჩაენაცვლებინათ, რომელმაც მესამე ადგილი დაიკავა ჯგუფში, მაგრამ ერვნულ გუნდებს უკვე გაწერლი აქვთ წლის გრაფიკი და მისი დარღვევა საკმაო ფინანსურ ზარალს გამოიწვევს.
