"ვესტ ჰემი" ინგლისის ეროვნული ნაკრების საყრდენ ნახევარმცველს დეკლან რაისს 120 მილიონზე მეტად აფასებს. Sky Sports-ის ინფორმაციით, 23 წლის ფეხბურთელისადმი ინტერესი "მანჩესტერ იუნაიტედმა" გამოიჩინა და კლუბმა ფასი გაზარდა.
გუნდის მთავარმა მწვრთნელმა დევიდ მოიესმა თებერვლის დასაწყისში ფეხბურთელი შეაქო და აღნიშნა, რომ იგი 100 მილიონზე მეტი ღირს და მომავალი ინგლისის ნაკრების კაპიტანია. რაისს კლუბთან კონტრაქტი 2024 წლამდე აკავშირებს, თუმცა შეთანხმების საფუძვეზე თანამშრმობა ავტომატურად 1 წლით გახანგრძლივდება.
რაისი 2013 წლამდე "ჩელსის" აკადემიაში ვარჯიშობდა, ხოლო შემდეგ "ვესტ ჰემში" გადავიდა. "ჩაქუჩების" პირველ გუნდში დეკლანი 2017 წელს დააწინაურეს. მიმდინარე სეზონში ნახევარმცველმა 32 მატჩში თავი ოთხი გოლით და ამდენივე საგოლე გადაცემით გამოიჩინა. ირლანდიური ფესვების მქონე დეკლანს ინგლისის ნაკრებში 27 შეხვედრა აქვს ჩატარებული.
