26 ნოემბერს, მსოფლიო ჩემპიონატის შესარჩევ ეტაპზე საქართველოს კალათბურთელთა ნაკრები უკრაინას უმასპინძლებს. საქართველოს ნაკრების მთავარმა მწვრთნელმა, ილიას ზუროსმა უკრაინასა და ესპანეთთან მატჩებისთვის 13 კალათბურთელი დაასახელა.

საქართველოს ეროვნული ნაკრების ვარჯიშის დასკვნითი ნაწილი ჟურნალისტებისთვის ღია იყო. გთავაზობთ ვარჯიშის ფოტო და ვიდეო მასალებს, ასევე იმ 13 მოთამაშის სიას, რომლებიც მსოფლიო ჩემპიონატის საკვალიფიკაციო ტუირნირის მომავალი მატჩებში მიიღებენ მონაწილეობას.

საქართველოს ნაკრების შემადგენლობა:

თად მაკფადენი (მურსია, ესპანეთი), ლუკა მაზიაშვილი (ცხუმ-აფხაზეთი), გივი ბაქრაძე (ოლიმპი), ოთარ ფხაკაძე (ქუთაისი), კახა ჭინჭარაძე (ოლიმპი), მერაბ ბოქოლიშვილი (რუსთავი), მიხეილ ბერიშვილი (თსუ), გიორგი კორსანტია (ქუთაისი), ალექსანდრე ფევაძე (გრან კანარია 2, ესპანეთი), თორნიკე შენგელია (ცსკა, რუსეთი), ბექა ბურჯანაზე (ბეტისი, ესპანეთი), გიორგი შერმადინი (ტენერიგე, ესპანეთი), გიორგი ტურძილაძე (კაენი, საფრანგეთი).

„საკმაოდ რთული თამაში გველის, განსაკუთრებით ახლა, როცა რამდენიმე მოთამაშე გვაკლია. ამავდროულად გვყავს თორნიკე შენგელია, რომლის ჩამოსაყვანად ფედერაციამ დაუჯერებელი საქმე გასწია“, - თქვა ილიას ზუროსმა.

„ვამუშავებდით კომბინაციებს, რაც ხვალ უნდა გამოვიყენოთ. ყველაზე მნიშვნელოვანია, რომ თორნიკე შენგელია შემოგვიერთდება. გუნდის მთავარია მიზანია, რომ ჯგუფიდან გავიდეთ. უკრაინასთან თუ მოვიგებთ, ძალიან დიდ ნაბიჯს გადავდგამთ, რომ მსოფლიოს ჩემპიონატზე გავიდეთ“, - განაცხადა გიორგი შერმადინმა.

შეგახსენებთ, საქართველოსა და უკრაინის მატჩი 26 ნოემბერს, 19:00 საათზე გაიმართება, ხოლო 29 ნოემბერს, ილიას ზუროსის გუნდი ესპანეთს სტუმრად დაუპირისპირდება.