„მერსედესის“ შეფი ტოტო ვოლფი დარწმუნებულია, რომ ბრაზილიაში მომხდარმა, ლუის ჰამილტონს „სუპერ გმირის“ ძალა მიანიჭა და მას მოტივაცია გაუძლიერა. ამან კი მას ზედიზედ ორი რბოლა მოაგებინა.
ბრაზილიაში ორი ჯარიმის მიუხედავად, ჰამილტონმა გამარჯვება მოიპოვა და ყატარში ზედიზედ მეორე რბოლა მოიგო. და თუ აქამდე ის ვერაფერს უხერხებდა „რედ ბულზე“ ამხედრებულ მაქს ფერსტაპენს, ახლა უკვე თავად არის მიუწვდომელი და საქმეს ისეთი პირი უჩანს, რომ ჩემპიონატში გარდატეხა შეასრულა. თუმცა კლასიფიკაციაში ჰოლანდიელს 8 ქულით ჩამორჩება.
ვოლფი თვლის, რომ ბრაზილიაში კვალიფიკაციის შემდეგ დაჯარიმებით, სტიუარდებმა ჰამილტონში ლომი გააღვიძეს: „ინტერლაგოსზე დაჯარიმებით, მასში ლომი გააღვიძეს. ის ახლა ბრუტალური და ცივსისხლიანია. ეს ლუისის საუკეთესო თვისებებია, რომლებსაც ადრე ავლენდა. ახლა კი ეს თვისებები დაუბრუნდა“.
ვოლფი ხაზს უსვამს, რომ ჰამილტონს პრობლემების დროს, წარმოუდგენელი მობილიზება შეუძლია: „ვფიქრობ, როცა პრობლემები იქმნება, ეს მას სუპერ გმირად გადააქცევს. სწორედ ასე მოხდა ინტერლაგოსზე“.
ჰამილტონმა ჩემპიონატში ლიდერობა თურქეთში დაკარგა, მექსიკისა და აშშ-ის ეტაპების შემდგ კი, ფერსტაპენთან ჩამორჩენამ 19 ქულას მიაღწია. მაგრამ ვოლფი ამბობს, რომ მას ყოველთვის სჯეროდა ჰამილტონის შესაძლებლობების. და ამიტომ, „მერსედესს“ ორივე ტიტულის მოპოვება შეუძლია.
