საქართველოს ნაკრების ფეხბურთელი გიორგი მიქაუტაძე ბელგიურ „სერენში“ დაბრუნდა. ინფორმაცია ოფიციალურად დადასტურდა და ქართველი ფორვარდი გუნდს სანაკრებო პაუზის შემდეგ შეუერთდება.
„სერენმა“ გიორგი „მეციდან“ ერთი სეზონით ინათხოვრა და ამრიგად, 20 წლის ფორვარდი ბელგიის იუპილერ ლიგაში ითამაშებს, სადაც ჟორდი კონდომის გუნდი სწორედ მისი დიდებული თამაშის წყალობით აღზევდა. მიქაუტაძემ გასულ სეზონში ქვედა ლიგაში 24 მატჩში 22 გოლი გაიტანა და ზაფხულში „მეცს“ დაუბრუნდა, რომლის მაისურით ლიგა 1-ში ერთხელ ითამაშა, მაგრამ ფრანგებმა ისევ გაანათხოვრეს.
“სერენს“ ბელგიის იუპილერ ლიგაში 6 ტურის შემდეგ 9 ქულა აქვს და მეცხრე ადგილზეა, მომდევნო შეხვედრას კი 12 სექტემბერს, ლიეჟის „სტანდარდთან“ გამართავს და სავარაუდოდ, მიქაუტაძეც ამ მატჩისთვის გუნდის დახმარებას მოახერხებს.
