პსჟ-ის იტალიელი ნახევარმცველი, მარკო ვერატი, ჟურნალისტებს პარიზული კლუბის ახალწვეულის, ლიონელ მესის შესახებ ესაუბრა.
„ის, რომ მესი ჩვენთანაა, ფანტასტიკურია. ვერ ვიჯერებდი, სანამ პირადად არ ვნახე. თუმცა მას ადრეც ვიცნობდი. შეიძლება ბევრს არ საუბრობს, მაგრამ კარგი ხასიათი აქვს. ის ლიდერი და ჩემპიონია, რიმელიც მათაც კი უყვართ, ვინც „ბარსელონას“ და პსჟ-ს არ ქომაგობს.
ჩემი აზრით, მესი ფეხბურთის ისტორიაში საუკეთესო ფეხბურთელია. ძალიან ტექნიკურია და ეგოიზმი არ ახასიათებს.“ - ციტირებს ვერატის სიტყვებს La Gazzetta dello Sport.
