საქართველოს ძალოსანთა ნაკრების ექიმმა გიორგი ჭინჭარაულმა გულშემატკივრებს მოუწოდა, რომ სამშობლოში დაბრუნებულ ლაშა ტალახაძეს აეროპორტში არ დახვდნენ. როგორც მან დაწერა, ეს რთული ეპიდ-ვითარების გამო აუცილებელია და უმჯობესია ერთმანეთის ჯანმრთელობას გავუფრთხილდეთ.
ქვეყანაში გამძაფრებული ეპიდსიტუაციის გამო, ჩემს მეგობრებს და ნათესავებს მოგმართავთ თხოვნით, დარჩით სახლში და ნუ მოხვალთ აეროპორტში! ვიცი, რომ გიხარიათ, ვიცი, რომ გინდათ ლაშასთან ფოტოები, გინდათ პირადად მიულოცოთ, მაგრამ ჩემი და თქვენ წარმოიდგინეთ, ლაშას აზრიც ასეთია, სხვა დროს, სხვა შეჯიბრის შემდეგ... დღეს არ გვეწყინება! პირიქით! მოხარულები ვიქნებით თუ გაუფრთხილდებით ერთმანეთის ჯანმრთელობას! მადლობა გულშემატკივრობისათვის", - დაწერა სოციალურ ქსელში ჭინჭარაულმა.
შეგახსენებთ, რომ ლაშა ტალახაძემ ზედიზედ მეორედ შეძლო ოლიმპიადაზე ოქროს მედლის მოპოვება. მან ორჭიდში 488 კგ დააფიქსირა, რაც მსოფლიო რეკორდია. მსოფლიო რეკორდები ლაშამ ატაცსა და აკვრაშიც დაამყარა.
