იტალიური „რომას“ ნახევარმცველმა ჰენრიხ მხითარიანმა კლუბთან კონტრაქტი გაახანგრძლივა და სომეხი ფეხბურთელი რომში 2022 წლის 30 ივნისამდე დარჩება.
აღნიშნული ინფორმაცია „ჯალოროსის“ ვებგვერდმა ოფიციალურად დაადასტურა. როგორც მხითარიანმა აღნიშნა, „რომას“ მაღალი ამბიციები აქვს და დარჩენაც ამიტომ გადაწყვიტა.
2020-2021 წლების სეზონში 32 წლის ნახევარმცველმა ყველა ტურნირზე ჩატარებულ 46 თამაშში 15 გოლი გაიტანა და 13 საგოლე პასი შეასრულა.
