ჩემპიონთა ლიგის პირველივე მერვედფინალური მატჩი „ლაიფციგსა“ და „ლივერპულს“ შორის სავარაუდოდ არ გაიმართება. საქმე ისაა, რომ გერმანიის მთავარობამ მინიმუმ 17 თებერვლამდე აკრძალა ქვეყანაში შესვლა იმ ქვეყნებიდან, სადაც ბოლო პერიოდში კორონავირუსის მაღალი მაჩვენებელი დაფიქსირდა.

Sky Sports-ის ცნობით, აკრძალვა ძალაში შაბათიდან შედის და „ლივერპულის“ დელეგაციისთვის სპეციალური საშვი ან გამონაკლისი არ დაიშვება. ამდენად, ინგლისური გუნდი გერმანიაში ვერ ჩავა.

უეფა ამ საკითხის გერმანიის ფეხბურთის ფედერაციასთან, ინგლისის საფეხბურთო ასოციაციასთან და გერმანიის მთავარობასთან ერთად განიხილავს. არაა გამორიცხული, თუ გუნდები შეთახმდებიან, პირველი მატჩი ინგლისში გაიმართოს ან ნეიტრალურ სტადიონზე. თუმცა, თუ გამოსავალი ვერ მოიძებნა, „ლაიფციგს“ ტექნიკური წაგება (0:3) ჩაეთვლება.

შეგახსენებთ, „ლაიფციგისა“ და „ლივერპულის“ პირველი მატჩი 16 თებერვალსაა დაგეგმილი.