ჯანო ანანიძემ კარიერის დასრულების შესახებ ინფორმაცია ჯერ სოციალური ქსელის პირადი გვერდიდან უარყო და შემდეგ რუსულ მედიასაც გაესაუბრა, სადაც დეტალურად ისაუბრა რეალობის შესახებ.

როგორც ჯანომ თქვა, ის ჯერ არ აპირებს ფეხბურთიდან წასვლას და თუ ამის შესახებ აუცილებლად თავად გააკეთებს პირველ განცხადებას.

„გუშინ სახლში ვიყავი და საქართველო - სომხეთის მატჩს ვუყურებდუ. თამაშისშემდეგ ეს ამბავი მითხრეს. რა შემიძლია ვთქვა? არ მომწონს, როდესაც ჩემს შესახებ არასწორი ინფორმაცია ჩნდება და ამიტომ უარყოფითი პოსტის გამოქვეყნება გადავწყვიტე. ეს არის ჩემი რეაქცია ტყუილზე, ხალხმა არ იცის ჩემი ჯანმრთელობის შესახებ და გადაწყვიტეს ჩემზე ეს ამბავი დაეწერათ“.

- ეს ხაცკევიჩმაც თქვა...

- არ ვიცი რა თქვა ხაცკევიჩმა. ვნახე სათაური და შემდეგ უკვე არ მაინტერესებდა იმის წაკითხვა შიგნით რა ეწერა ან ვინ რა თქვა. ჩემთვის არ აქვს მნიშვნელობა იქ ხაცკევიჩი საუბრობდა თუ სხვა ვინმე, რადგან მთავარია მე რას ვფიქრობ და ვგრძნობ. თუ კარიერის დასრულებაზე თავში ფიქრი გამიჩნდება, პირველი ვიქნები, ვინც ამის შესახებ იტყვის. რატომ უნდა თქვას სხვამ ჩემს მაგივარად?

- ახლა თავს როგორ გრძნობთ?

- არამიშავს, მოსკოვის შემდეგ თურქეთში ვიყავი, სადაც მკურნალობდნენ და გამომიკვლიეს. ახლა უკვე გამოჯანმრთელების მეორე ეტაპი მაქვს. მითხრეს, რომ სერიოზული არაფერია და სამედიცინო პროცედურებს ვიტარებ. ვფიქრობ, იანვარში 100%-ით მზად ვიქნები. ექიმები მეუბნებიან, რომ სერიოზული არაფერი, ჯვარედინი იოგების პრობლემა არ არსებობს.