ბექა ბურჯანაძე ახალ სეზონს ჩინებულ ფორმაში შეხვდა, მაგრამ „გრან კანარიას“ წარმატებული სტარტისთვის ეს საკმარისი როგორც ჩანს არაა.

ლიგა ენდესას მესამე ტურში „გრან კანარია“ „სარაგოსასთან“ თითქმის უშანსოდ 71:88 დამარცხდა. არადა, პირველი ტაიმის შემდეგ სტუმრები 9 ქულით იგებდნენ, მაგრამ მეორე ნახევარში დაცვაში და შეტევაში ერთნაირად ცუდად ითამაშეს და საბოლოოდ 17-ქულიანი სხვაობით წააგეს.

ბურჯანაძე „გრან კანარიაში“ საუკეთესო იყო. ქართველმა 19:38 წუთში ორმაგი დუბლი შეასრულა - 11 ქულა და 11 მოხსნა. ბექამ 5-დან 3 ორქულიანი (60%), 3-დან 1 სამქულიანი (33%) და 2-დან 2 საჯარიმო (100%) ჩააგდო. შედეგად, მისი მარგი ქმედების კოეფიციენტი 18-ს გაუტოლდა, რაც თანაგუნდელთა შორის საუკეთესო მაჩვენებელი გამოდგა.

„გრან კანარიას“ 1 მოგების წილ 2 წაგება აქვს და მე-14 საფეხურზეა, ხოლომომდევნო შეხვედრას 4 ოქტომბერს, სახლში მადრიდის „რეალთან“ გამართავს.